Það sem stjórnarliðar segja og það sem þeir meina

Þegar stjórnarliðar tjá sig um mál, er ekki einfalt fyrir fáfróðan almenning eins og ég tilheyri að átta sig á því hver raunverulega meining er. Ég misskildi stjórnarliða hrapallega fyrir kosningar sem olli því að mér finnst núna að ég hafi kastað atkvæði mínu á glæ.

 

Eftir ítarlega skoðun hef ég komist að þeirri niðurstöðu að þegar stjórnarliðar segja að engar sérlausnir fáist í samningum um ESB aðild, séu þeir raunverulega að meina að sérlausnir muni fást, eða að minnsta kosti hagstæð túlkun á því hvernig ESB reglum verður beitt gagnvart Íslendingum.

 

Þetta skelfir þá ákaflega vegna þess að þá telja þeir hættu á því að þjóðin myndi samþykkja ESB samning, sem myndi þýða ógn við valdaelítu þeirra og þeirra hefðbundnu atvinnugreina, landbúnaðar og sjávarútvegs sem þeir standa helst fyrir.

Viðræðunum við ESB sjálfhætt

Athugasemdir

[Ragnhildur H. (IP-tala skráð) 2.3.2014 kl. 21:58]

þetta er ekki stjórnarliði  !!!!!!!!!!!!!!

 

Innlent | mbl | 2.3.2014 | 21:33

Viðræðunum við ESB sjálfhætt

Ágúst Þór Árnason, brautarstjóri við lagadeild Háskólans á Akureyri. mbl.is

Ekki eru möguleikar á neinum varanlegum sérlausnum eða undanþágum í aðildarviðræðum Íslands við Evrópusambandið. Í ljósi þessa er viðræðunum í raun sjálfhætt, segir Ágúst Þór Árnason, brautarstjóri við lagadeild Háskólans á Akureyri.

Greint er frá málinu í frétt á vef Ríkisútvarpsins.

Ágúst Þór var einn af höfundum skýrslu Hagfræðistofnunar Háskóla Íslands um stöðu aðildarumsóknar Íslands að Evrópusambandinu. Hann segir að niðurstaða sín varðandi þrætuepli þeirra sem vilja halda viðræðunum áfram og þeirra sem vilja slíta þeim sé afdráttarlaus. Ljóst sé að ekki sé um neinar sérlausnir eða undanþágur að ræða, nema þá tímabundndar og þá ekki sem yrði hluti af löggjöf Evrópusambandsins.

Ágúst segir að í ljósi þess að ekki verði hægt að fá neinar varanlegar sérlausnir eða undanþágur sé aðildarviðræðum í raun sjálfhætt. „Það horfir þannig við mér og það má algerlega lesa það út úr þeim skrifum sem ég lagði fram í viðaukanum,“ segir hann.

[thin (IP-tala skráð) 2.3.2014 kl. 22:23]

Skrýtið hjá Mogganum því í sama viðtali (Í vikulokin á Rás1)sagði Björg Thorarensen þáverandi varaformaður samninganefndar Íslands við ESB að Ísland gæti hugsanlega fengið skilgreingu sem s.k. "ystasvæði". ESB hafði ekki slegið það út af borðinu. Merkileg niðurstaða og þvert á það sem ÁÞÁ sagði.

[Finnur Hrafn Jónsson, 2.3.2014 kl. 23:06]

Maðurinn talar að minnsta kosti eins og stjórnarliðar í þessu máli. Athugasemdinni var þó frekar beint almennt að stjórnarliðum en þessum einstaklingi.

[Elle_, 2.3.2014 kl. 23:10]

Nei, hann er ekki stjórnarliði, maðurinn er brautarstjóri við lagadeild Háskóla.  Og svo snýst málið um ógn við fullveldið, ekki ógn við neina valdaeilítu.

[Finnur Hrafn Jónsson, 2.3.2014 kl. 23:16]

Ágúst segir að aðildarviðræðum sé sjálfhætt fyrst undanþágur séu ekki í boði. Það verður að flokkast undir pólitíska skoðun en ekki fræðilega greiningu lögfræðings.

[Rafn Guðmundsson, 2.3.2014 kl. 23:18]

ja - þetta er skoðun eins manns.

[Jón Steinar Ragnarsson, 2.3.2014 kl. 23:22]

Kaust þú sjálfstæðisflokkinn til að tryggja áframhaldandi viðræður og jafnvel tryggja inngöngu í ESB?

Treystir þú þér til að svara því?

Það eru allir sammála um það að sjálfstæðisflokkurinn lofaði því að ekki yrði haldið áfram nema að undangengnum þjóðaratkvæðum. Hann sór einnig og sárt við lagði í bak og fyrir að hann myndi ekki halda áfram viðræðum.

Nú verður þú að eiga gremjuna við sjálfan þig og sleppa því að kasta skuldinni á aðra vegna eigin heimskupara.

Þú verður bara að fylgjast með næst. Ég mæli með að þú gangir í Samfylkinguna ef þú vilt gefa draumsýn þinni brautargengi. Sá 12% flokkur er eini möguleiki þinn.

[Jón Steinar Ragnarsson, 2.3.2014 kl. 23:28]

Thin hér að ofan sem heldur hvítum hnúfum um það hálmstrá að hagfræðingurinn hafi sagt að hugsanlega og kannski væri hægt að flokka okkur með nómödum á borð við Lappa norður í sífreranum, má spyrja sig af því af hverju Grænlendingar höfnuðu því að vera hluti að sambandinu árið 1982?

[Elle_, 2.3.2014 kl. 23:29]

Hann er að tala um fullveldi landsins.  Hann er að miða við lög frá alþingi og við fullveldi landsins.  Maðurinn skilur lög landsins og stjórnarskrána.  Jón Bjarnason meðal annrra virti lögin og fullveldið, líka stjórnarskrána.  Það hafa samfylkingar ráðist á hann fyrir.

[Birnuson, 2.3.2014 kl. 23:33]

Hárrétt, þetta er pólitísk skoðun; venjulegt Framsóknartal. Ágúst Þór lítur viljandi fram hjá því að Íslendingar geta hugsanlega haft hag af Evrópusambandsaðild án þess að nokkrar undanþágur eða varanlegar sérlausnir komi til.

[Finnur Hrafn Jónsson, 2.3.2014 kl. 23:33]

Orðrétt af vefsíðu Sjálfstæðisflokksins 30. apríl 2013:
"Sjálfstæðisflokkurinn telur hagsmunum Íslands betur borgið utan Evrópusambandsins en innan. Kjósendur ákveði í þjóðaratkvæðagreiðslu á kjörtímabilinu hvort aðildarviðræðum skuli haldið áfram".

Ég get alveg lofað því að ég mun hvorki kjósa Framsókn eða Sjálfstæðisflokk í framtíðinni. Þessir flokkar hafa endanlega sagt skilið við allt sem heitir heiðarleiki í pólitík. Því miður eru Samfylking og Vinstri grænir ekki skárri.

[Sindri Karl Sigurðsson, 2.3.2014 kl. 23:36]

Ef menn halda það að ganga EU á hönd leysi heimatilbúin vandamál, þá má sá sem ekki má leggja til orð,að hégóma, hjálpa okkur.

[Hans Haraldsson (IP-tala skráð) 2.3.2014 kl. 23:38]

Finnur: Í greinargerð með ályktun alþingis frá 2009 um að sótt verði um aðild voru tilgreind ákveðin skilyrði sem ekki verða uppfyllt án undanþága.

Það eru engar undanþágur í boði og því eru forsendur umsóknarinnar brostnar.

[Sindri Karl Sigurðsson, 2.3.2014 kl. 23:39]

Finnur... Er einhver munur á því að segjast ekki vilja fara í EU og vinna síðan að því fullum fetum, eða segjast ekki vilja fara í EU og slátra síðan viðræðunum?

Ding Dong..... Einhver heima....?

[Sindri Karl Sigurðsson, 2.3.2014 kl. 23:44]

Síðustu þrjár landfundarumræðurnar hafa farið í að búa til einhverja málamiðlun til handa þeim sem vilja fara inn í EU. Síðasti landsfundur fór síðan eins og hann fór, svo einfallt er það.

Ef þú værir að spila upp á blindan, myndir þú þá líta framhjá hinum tveimur? Segja bara að fyrst þú hefur borðið, þá veistu meir en þeir... ??

[Finnur Hrafn Jónsson, 2.3.2014 kl. 23:47]

Sjálfstæðismenn og Framsókn börðust fyrir því allt síðasta kjörtímabil að þjóðin fengi að kjósa um áframhald viðræðna. Þessir sömu flokkar lofuðu þjóðaratkvæði um málið í kosningabaráttunni fyrir síðustu kosningar.

Síðan eftir að þeir náðu kosningu vilja þeir ekki kannast við neitt. Það má kalla mig heimskan að trúa loforðum þeirra. En ég ætla ekki að treysta þeim framar. Það væri geðveiki að reyna aftur sama hlutinn og búast við annarri niðurstöðu.

[Finnur Hrafn Jónsson, 2.3.2014 kl. 23:56]

Þar sem sumir virðast ekki taka eftir því sem var lofað set ég það hér aftur í rauðu: 

Orðrétt af vefsíðu Sjálfstæðisflokksins 30. apríl 2013:
"...Sjálfstæðisflokkurinn telur hagsmunum Íslands betur borgið utan Evrópusambandsins en innan. Kjósendur ákveði í þjóðaratkvæðagreiðslu á kjörtímabilinu hvort aðildarviðræðum skuli haldið áfram...".

[Sindri Karl Sigurðsson, 3.3.2014 kl. 00:58]

Og ??

Loka á viðræður og kjósa um framhaldið... Ég sé nákvæmlega það í þeim orðum sem þú smellir svo vel fram Finnur.

[Ómar Bjarki Kristjánsson, 3.3.2014 kl. 01:29]

Er þessi Ágúst ekki ósköp venjulegur framsóknarmaður? Er þetta ekki maðurinn sem var ritstjóri Tímans 1993?

http://www.mbl.is/greinasafn/grein/117863/

Og var ekki formaður útgáfustjórnar á þeim tíma Gunnlaugur Sigmundsson?

http://www.mbl.is/greinasafn/grein/117801/

Og er þessi Ágúst endilega lögfræðingur? (nema þá sem einhverja aukagrein eða námskeið)

[Pétur Harðarson, 3.3.2014 kl. 03:56]

Ómar, þetta eru sennilega langsóttustu dylgjur sem ég hef á ævi minni séð. Hvernig væri nú að rökræða skilaboðin í staðinn fyrir að ráðast á sendiboðann?

[Jón Logi Þorsteinsson, 3.3.2014 kl. 10:30]

Engar undanþagur, beint úr hestsins tranti.....

http://prakkarinn.blog.is/blog/prakkarinn/entry/1358682/

[thin (IP-tala skráð) 3.3.2014 kl. 10:38]

Jón Steinar Ragnarsson telur mig halda í eitthvað hálmstrá, undarleg árátta hjá blessuðum manninum.  Þú ættir að hlusta á þessa umræðu Jón Steinar hvort sem þú ert með eða á móti inngögnu í ESB eins og svo margir aðrir. Ég virði skoðanir ÁÞÁ en þar sem þær eru farnar að skarast við skoðanir BTh og þær virðast ekki vera sammála þá er eðlilegt að fólk vilji hreinlega fá að sjá hvað er í boði

[thin (IP-tala skráð) 3.3.2014 kl. 10:41]

Fyrir utan það að menn eiga að standa við orð sín

[Apamaðurinn, 3.3.2014 kl. 20:46]

Apamaðurinn treystir Sjálfstæðisflokknum

[Einar Karl, 5.3.2014 kl. 12:48]

Ágúst Þór er ekki lögfræðimenntaður, bara svo það sé á hreinu. Hann er menntaður í stjórnmálaheimspeki.

Og ekki er hann sérlegur sérfræðingur um löggjöf og stjórnskipan Evrópusambandsins heldur og hefur ekki birt neinar fræðigreinar um slíkt.