Færsluflokkur: Stjórnmál og samfélag

Þess vegna á að byggja á nýjum stað

Það blasir við að það er miklu fljótlegra að byggja nýjan spítala á nýjum stað þar sem er nægt athafnavæði, greið aðkoma og ekki þarf að taka tillit til sjúklinga og fyrirliggjandi starfsemi á svæðinu. Einnig sparast tími þar sem ekki þarf að brjóta niður myglaðar byggingar sem ekki er hægt að gera við. Ég hef upplifað það sjálfur að vinna í næsta húsi þar sem verið var að byggja. Endalausir höggborara allan daginn með hávaða og hristingi. Að ætla sér að setja niður sem svarar tveimur Smáralindum í núverandi Landspítalalóð samhliða því að reka spítalaþjónustu er galin hugmynd.
Nágrannaþjóðum okkar tekst að byggja álíka stóra spítala á 7-8 árum. Ef núverandi framkvæmdaaðilar telja að þetta taka 15-20 ár þarf einfaldlega að finna nýja framkvæmdaaðila sem geta gert þetta á skikkanlegum tíma.


mbl.is Nýr Landspítali þolir enga bið
Tilkynna um óviðeigandi tengingu við frétt

Furðuleg umræða

Það er alveg hárrétt að þessi umræða er í skötulíki. Annars vegar höfum við hluta lækna í yfirstjórn Landspítalans sem eru ekki til viðræðu um neitt annað en staðsetja spítalann við Hringbraut og hins vegar höfum við skipulagsfræðinga og annað áhugafólk um skipulagsmál sem vill kanna aðra staðsetningakosti. Mér vitanlega hefur enginn skipulagsfræðingur mælt staðsetningu við Hringbraut bót.

Hvað ætli læknum fyndist um skipulagsfræðinga með miklar skoðanir á því hvernig best væri að haga geislalækningum við Landspítalann? Ætli þeir yrðu ekki greindir með mikilmennskubrjálæði?

 

 


mbl.is Umræðan komin fram yfir síðasta söludag
Tilkynna um óviðeigandi tengingu við frétt

Skýrslan á netinu síðan í janúar

Þessi skýrsla er búin að vera til nokkrum útgáfum undanfarna mánuðí á opinberum vefsíðum eins og hjá NOAA í Bandaríkjunum.

Dæmigerð æsifréttamennska sem Mbl.is ætti ekki að vera að lepja upp.

Sjá: https://wattsupwiththat.com/2017/08/09/nyt-caught-switching-out-documents-to-fix-botched-climate-change-article/

 


mbl.is Loftlagsbreytingar farnar að hafa áhrif
Tilkynna um óviðeigandi tengingu við frétt

Hvassahraun á fjarsvæði vatnsverndar

Úr skýrslu Rögnunefndar:

"...

Flugvöllur yrði staðsettur innan fjarsvæðis vatnsverndar. Gæta þarf varúðar við framkvæmdir. Huga þarf að því hvaða skilyrði þarf að uppfylla varðandi framkvæmdir og rekstur á skilgreindu vatnsverndarsvæði.

..."

Einnig er þess getið að þörf sé á sérstakri varúð vegna vatnsverndar. Alls ekki að vatnsvernd útiloki flugvöll.

 


mbl.is Hentar ekki fyrir flugvöll
Tilkynna um óviðeigandi tengingu við frétt

VG og D geta sameinast um að gæta hagsmuna útgerðarinnar

Það blasir við að Vinstri grænir og Sjálfstæðismenn geta sameinast um að verja hagsmuni útgerðarinnar í ríkisstjórn. Útgerðin veit að hún getur varist sköttum með bókhaldsbrellum. En uppboð á kvóta og markaðsleið væri upphafið að endalokum gjafakvóta. Þessir flokkar eru báðir ágætlega meðvitaðir um það og munu berjast gegn uppboðum með kjafti og klóm.

Kannski munu þessir flokkar færa okkur áfram sovéskan áætlanabúskap í úthlutun kvóta?


mbl.is Sjálfstæðisflokkurinn nær en Viðreisn
Tilkynna um óviðeigandi tengingu við frétt

Hagkvæmni myndi þvert á móti aukast með fiski á markað

Einfaldlega vegna þess að fiskvinnslur sem kaupa fisk á markaði geta og hafa alltaf greitt miklu hærra verð en aðrar vinnslur með eigin útgerð.

Alveg er sama hversu fullyrðingin um hagkvæmni sameinaðrar vinnslu og útgerðar er endurtekin oft, hún alltaf jafn röng.

Þetta er í raun sama röksemdafærsla og Sovétmenn notuðu til að réttlæta áætlanabúskapinn sinn. Þeir væru að að spara sér kostnaðinn sem fylgdi markaðinum. Sem er í sjálfu sér alltaf rétt þegar horft er á eitt fyrirtæki en óhagkvæmt fyrir heildina.

Annað dæmi væri ef vöruheildsala og smásala væri á sömu hendi, þá þyrfti smásalan ekki að borga markaðsverð fyrir sín aðföng, heildsölur spöruðu sér markaðssetningu. Fínt dæmi fyrir hvert fyrirtæki um sig þegar öðrum væri meinað að komast inn í greinina. En ekki fyrir heildina.

Það er með ólíkindum að vestrænir hagfræðingar fáist til að mæla þessu bulli bót.


mbl.is Vill ekki allan fisk á markað
Tilkynna um óviðeigandi tengingu við frétt

Rangfærslur um uppboðsleið

Enn og aftur eru menn að gefa sér fáránlegar forsendur um útfærslu uppboða og gagnrýna út frá þeim.

Það er ekkert sem segir að bankar þurfi að koma við sögu fjármögnunar kvótakaupa. Kvótinn gæti einfaldlega verið greiddur við löndun á markaði.

Með skynsamlegu fyrirkomulagi uppboða þar sem lifandi markaður væri til staðar fyrir kvóta á uppboði breytist kvóti frá því að vera eign yfir í að vera aðföng til rekstrar. Þar fyrir utan er hægt eftir sem áður að viðhalda núverandi skorðum við hversu mikill kvóti væri nýttur af sama rekstraraðila.

Sú hugmynd að bankarnir taki ekki lengur hluta af auðlindarentunni til sín í gegnum fjármögnun langtíma kvótakaupa hljómar sjálfsagt skelfilega í hugum bankamanna. Við eigendur auðlindarinnar teljum hins vegar eðlilegt að auðlindarentan renni öll til okkar.


mbl.is Samþjöppun fylgir uppboðsleið
Tilkynna um óviðeigandi tengingu við frétt

Aðskiljum frekar ríki og útvarp

Ríkið styrkir og styður allskonar félaga- og menningarstarfsemi. Ég skil ekki þessa þráhyggju sumra Pírata að vilja þennan aðskilnað frekar en til dæmis að ríkið dragi sig út úr rekstri útvarpsstöðva eða hljómsveita.


mbl.is Vilja segja upp samningi ríkis og kirkju
Tilkynna um óviðeigandi tengingu við frétt

Er Keflavík rétti staðurinn?

Það hefur verið gefið út að hluti núverandi mannvirkja á Keflavíkurflugvelli sé úreltur og þurfi að fjarlægja. Síðan er talað um hundraða miljarða fjárfestingu.

Samkvæmt skýrslu staðarvalsnefndar er Hvassahraun mun hentugri staðsetning fyrir millilandaflugvöll. Gæti einnig nýst fyrir innanlandsflugvöll. Á virkilega ekki að skoða þetta?

 


mbl.is 70-90 milljarðar í fyrsta hluta
Tilkynna um óviðeigandi tengingu við frétt

18 ár án hlýnunar draga úr trú fólks á hlýnun af mannavöldum

Meðalhiti jarðar hefur ekki hækkað síðustu 18 ár þrátt fyrir samfellda vaxandi losun CO2 og hækkun á styrk CO2 í andrúmslofti. Fleiri efast um kenningar af hlýnun af mannavöldum og snúa sér að öðrum meira aðkallandi vandamálum.


mbl.is Hreint loft ekki næg ástæða
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband