Hvað með faglegt álit Vegagerðarinnar?

Getur maður ekki treyst því að tekið verði tillit til faglegs álits Vegagerðarinnar sem taldi brú mun hagkvæmari kost í byggingu og rekstri. Einnig taldi hún brúna betri kost hvað varðaði minni röskun, afköst og umferðartengingar.

Verður ekki hægt að treysta því að þeir sem opinberlega hafa kvartað undan því að ekki hafi verið tekið tillit til faglegra álita hvað varðar mannaráðningar o.fl. láti í sér heyra um þetta mál?

Borgin þrýstir á ríkið

Athugasemdir

[Loftur Altice Þorsteinsson, 19.1.2008 kl. 09:05]

Af hverju byggjum við ekki glæsilega Sundabrú, í staðinn fyrir að skríða ofan í jörðina ? Hún gæti til dæmis litið út eins og Franjo Tudjman brúin í Króatíu, sem hér getur að líta.

Önnur glæsileg brú, sem gæti verið fyrirmynd er Strelasund brúin, sem sjá má hér.

[Finnur Hrafn Jónsson, 21.1.2008 kl. 10:16]

Takk fyrir gott innlegg, þessar brýr eru gott dæmi um mannvirki þar sem vel hefur tekist til um útlitshönnun.

Ef ákveðið hefði verið í San Fransisco að byggja göng í stað Golden Gate brúarinnar er nokkuð ljóst að það mannvirki hefði ekki orðið helsta kennileiti borgarinnar.